رووداو دیجیتاڵ
ئەمڕۆ شەممە 14ی تشرینی یەکەمی 2023 دووەمین فێستیڤاڵی رێگەی کولتووری سوور لە شاری ئامەدی باکووری کوردستان دەستپێدەکات.
فێستیڤاڵی رێگەی کولتووری سوور لە رۆژانی نێوان 14 - 23ی تشرینی یەکەمی 2023 بەڕێوەدەچێت؛ فێستیڤاڵەکە لەلایەن وەزارەتی رۆشنبیریی تورکیا، پارێزگا و گەورەشارەوانیی ئامەدەوە رێکخراوە.
فێستیڤاڵەکە لە ماوەی ئەو رۆژانەدا لە 40 شوێنی جیاوازی ئامەد 500 چالاکیی بواری شانۆ، فیلم، پێشانگەی کتێب، دیداری ئەدەبی و هونەری و ئایینی، خواردنە کولتوورییەکانی ئامەد، پێشانگای هونەری و فۆتۆگرافی، نمایشی دیجیتاڵی بۆ منداڵان، پێشبڕکێی وێنەی فۆتۆگرافی، دەنگبێژی، خوێندنەوەی قورئانی پیرۆز، یاری منداڵان، نمایشی کاری دەستی بە قوڕ، پێشبڕکێی خۆشنووسی، سەمای کولتووری، پێشبڕکێی شیعر، کۆنسێرتی هونەرمەندەکان، نمایشی کۆمیدی و چەندین چالاکیی دیکەی جیاواز لەخۆدەگرێت.
سەرجەم بەرنامە و چالاکییەکانی ئەو فێستیڤاڵە لە ماوەی نۆ رۆژدا لە کاژێر 09:00 تاوەکو 21:00 بەردەوام دەبن.
یەکەمین فیستیڤاڵی رێگەی کولتووری سوور ساڵی رابردوو هەر لە مانگی تشرینی یەکەمدا بەڕێوەچوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ