رووداو دیجیتاڵ
پانکەی بنمیچی پۆلی قوتابخانەیەک لە ئاکرێ کەوتەخوارەوە و بەو هۆیەوە قوتابییەک بریندار بوو. گوتەبێژی تەندروستیی ئاکرێ دەڵێت، تەندروستیی قوتابیەکە باشە.
رۆژی سێشەممە، 14-11-2023، نێچیرڤان هەرکی، گوتەبێژی تەندروستیی ئاکرێ بە تۆڕی میدیایی رووداوی گوت، ئێوارەی ئەمڕۆ نزیک کاژێر چواری ئێوارە، پانکەی بنمیچی پۆلی قوتابخانەیەکی ئاکرێ کەوتەخوارەوە و بەو هۆیەوە قوتابییەک برینداربوو.
رووداوەکە لە قوتابخانەی برایانی ناحکومی بووە لە قەزای ئاکرێ. نێچیرڤان هەرکی دەڵێت، قوتابییەکە براوەتە نەخۆشخانەی ئاکرێ و پزیشکان گوتوویانە دەتوانن چارەسەری بکەن، بەڵام خێزانەکەی لەسەر پێداگری و خواستی خۆیان بردوویانە بۆ نەخۆشخانەی دهۆک و ئێستا تەندروستی باشە.
گوتەبێژی تەندروستیی ئاکرێ ئاماژەی بەوەشکرد، مامێکی قوتابییەکە لەو قوتابخانەیەی رووداوەکە تێیدا روویداوە، مامۆستایە و سکاڵای یاساییان دژی کەس تۆمار نەکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ