هەڵەیەک روویدا! دووبارە هەوڵبدە
رووداو دیجیتاڵ
لە سنووری قەزای چەمچەماڵ مووشەکێک کەوتەخوارەوە، بەڵام هیچ زیانێکی نەگەیاندووە. قایمقامی چەمچەماڵ دەڵێت، لە سنووری گوندەکانی ناحیەی سەنگاو کەوتووەتە خوارەوە.
ئەمڕۆ یەکشەممە 15ی 6ی 2025، رەمک رەمەزان، قایمقامی چەمچەماڵ بە تۆڕی میدیایی رووداوی گوت: "مووشەکەکە لە سنووری ناحیەی سەنگاو لە دەوروبەری گوندی موسۆیی کەوتووەتە خوارەوە."
مووشەکەکە وادیارە بەشی زۆری مابێتەوە، واتە تەنیا پاشماوەکەی نییە. تائێستا نازانرێت مووشەکی ئێران، ئیسرائیل یان لایەنێکی دیکە بێت؛ تیمەکانی بەرپرس لە ناوچەکە لێی دەکۆڵنەوە.
هاونیشتمانییەک ئەم ڤیدیۆیەی بۆ رووداو ناردووە و دەڵێت، پاشماوەی مووشەکێک لە سنووری گەرمیان دۆزراوەتەوە pic.twitter.com/zMM0hQfnxZ
— Rudaw (@Rudawkurdish) June 15, 2025
ئارام مەعرووف، بەڕێوەبەری ناحیەی سەنگاوی سەر بە قەزای چەمچەماڵ بە تۆڕی میدیایی رووداوی گوت، "تیمەکانمان بۆ لێکۆڵینەوەی بابەتەکە ناردووەتە شوێنی رووداوەکە و تاوەکو ئێستا زانیاریی تەواومان لەسەر رووداوەکە نییە."
بەڕێوەبەری ناحیەی سەنگاوی سەر بە قەزای چەمچەماڵ دەشڵێت، "مووشەکەکە لە سنووری گوندی مەسۆیی کەوتووەتە خوارەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ