رووداو دیجیتاڵ
لە سێوازی باکووری کوردستان لە رووداوێکی هاتووچۆدا چوار کەس گیانیان لەدەستدا و یەکێکیش برینداربوو.
بەهۆی تیژڕۆییەوە، تەکسییەک لەسەر رێگەی سەرەکیی نێوان سێواز-ئەرزینجان لە باکووری کوردستان خۆی بە بارهەڵگرێکدا کێشا و لە ئەنجامدا شۆفێری تەکسییەکە و سێ سەرنشینی تەکسییەکە گیانیان لەدەستدا و سەرنشینی چوارەمیش برینداربوو.
یڵماز شیمشەک، پارێزگاری سێواز چووە شوێنی رووداوەکە و رایگەیاند، رووداوەکە کاژێر 05:30ـی بەیانیی ئەمڕۆ شەممە، 15ـی تەممووزی 2023 روویداوە، تەکسییەکە بەخێراییەکی زۆر خۆی بە بارهەڵگرەکەدا کێشاوە و رووداوێکی سەختی لێکەوتەوە.
پارێزگاری سێواز راشیگەیاند، سێ لەو کەسانەی گیانیان لەدەستدا ئەندامی یەک خێزان بوون، بریندارەکەش کچێکی تەمەن 10 ساڵانە و تاکە رزگاربووی خێزانەکەیە و بەپەلە لە رێگەی ئەمبووڵانسەوە رەوانەی نەخۆشخانەی گشتیی سێواز کرا.
بەگوێرەی ئامارە فەرمییەکان، ساڵی 2022 لە باکووری کوردستان و تورکیا 485 هەزار و 48 رووداوی هاتووچۆ روویانداوە و دوو هەزار و 282 کەس گیانیان لەدەستداوە و 291 هەزار و 151 کەسی دیکەش برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ