رووداو دیجیتاڵ
جێگری وەزیری کار و کاروباری کۆمەڵایەتیی ئێران لە ساڵیادی کیمیابارانی هەڵەبجەدا لەو شارەی هەرێمی کوردستانە و دەڵێت، "هاتووین بۆئەوەی هاوسۆزی بگەیێنین، هاوڕا بین و بیرهێنەرەوەی یەکگرتوویی گەلانی ئێران و عێراق و خەڵکی هەرێم[ی کوردستان] بین."
ئەمڕۆ شەممە 16ی ئاداری 2024 لە رێوڕەسمی ساڵیادی کیمیابارانی هەڵەبجەدا محەممەد قادریان، جێگری وەزیری کار و کاروباری کۆمەڵایەتیی ئێران بە ئەرکان عەلی، پەیامنێری تۆڕی میدیایی رووداوی گوت، "وەکو نوێنەری وەزارەت بەشداریی رێوڕەسمەکەم کردووە و ئێرانییەکان لە دێر زەمانەوە لەگەڵ خەڵکی هەرێم[ی کوردستان] نزیک بوون."
محەممەد قادریان ئاماژەی بەوەش کرد، "خەڵکی ئێران لە رووداوە زۆر تایبەتەکەی کیمیابارانی هەڵەبجەدا لەگەڵ خەڵکی بەڕێز و بوێری شارەکەدا بوون."
جێگری وەزیری کار و کاروباری کۆمەڵایەتیی ئێران ئەوەشی خستەڕوو، "ئەمڕۆ هاتووین بۆئەوەی هاوسۆزی بگەیێنین، هاوڕا بین و بیرهێنەرەوەی یەکگرتوویی گەلانی ئێران، عێراق و خەڵکی بەڕێز و بوێری هەرێم[ی کوردستان] بین."
رۆژی 16ی ئاداری 1988 شاری هەڵەبجە لەلایەن دەسەڵاتی ئەو کاتی عێراقەوە کیمیاباران کرا و لە ئەنجامدا نزیکەی پێنج هەزار هاونیشتمانی شەهیدبوون و زیاتر لە 10 هەزاری دیکە بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ