رووداو دیجیتاڵ
لە هەرێمی كوردستان جۆرە یانسیبێک هاوردە کراوە، کە وێنەی نەشیاوی لەسەرە و قسەی نەشیاوی لەسەر نووسراوە. قایمقامی قەزای ناوەندیی هەولێریش دەڵێت دەکرێت بە قاچاخ هاوردەکرابێت و بەدواداچوون بۆ بابەتە دەکەن.
بەپێی بەدواداچوونی تۆڕی میدیایی رووداو، ئەو جۆرە یانسیبە لە بەشێک لە دووکانەکانی شاری هەولێر فرۆشراوە، کە وێنەی ئەندامی نێرینە، ماچ و خواردنەوە کحولییەکانی لەسەرە، هەروەها وشەی نەشیاوی وەکو، "هەمیشە هەمان (ئەندامی نێرینە)" و "کحولم بۆ بکڕە" و "لەشفرۆش هەڵبژێرە"ی لەسەر نووسراوە.
نەبەز عەبدولحەمید، قایمقامی هەولێر بە رادیۆی رووداوی راگەیاند: "ئێمە ئاگاداری فرۆشتنی بابەتی لەمشێوەیە نین بەڵام لە رێگەی لیژنەكانمانەوە بەدواداچوونی بۆ دەكەین و بەهیچ شێوەیەك رێگا بەفرۆشتنی بابەتی لەمجۆرە نادەین."
لەبارەی چۆنیەتی رێگەدان بە هاوردەکردنی ئەم جۆرە یانسیبانە لە دەروازەکان، قایمقامی هەولێر گوتی: "لە دەروازە سنوورییەکان هەرگیز رێگە بەو بابەت نادرێت، ئەگەر هاتبێت، ئەوە بە قاچاخ هێندراوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ