لە کاتێکدا ململانێکان لە بەغدا بۆ یەکلاکردنەوەی پۆستی سەرۆککۆماری عێراق گەیشتووەتە لووتکە، سەرۆکی فراکسیۆنی یەکێتیی نیشتمانیی کوردستان لە پەرلەمانی عێراق رایدەگەیێنێت، "بازاڕی سیاسی لەبارەی ئەو پۆستەوە گەرمە" و جەخت دەکاتەوە کە بەپێی نەریتی سیاسیی دوای 2003، ئەو پۆستە پشکی یەکێتییە.
سەرۆکی دەستەی دەستپاکیی هەرێمی کوردستان رایگەیاند، ئەو پارەیەی لە هەڵمەتی رووداو بۆ زیانلێکەوتووانی لافاوەکەی چەمچەماڵ کۆکراوەتەوە، دەچێتە سەر هەژمارێکی بانکیی حکومی و وەک داهاتی گشتی مامەڵەی لەگەڵ دەکرێت و بە شەفافی بەڕێوەدەبرێت.
یەکگرتووی ئیسلامیی کوردستان دەڵێت، دەستپێشخەرییەکی بۆ یەکخستنی هێزە کوردستانییەکان لە بەغدا ئامادە کردووە کە لە رێگەی دوو شاندی مەکتەبی سیاسییەوە پێشکێشی هەر 5 لایەنە براوەکەی دیکەی هەرێمی کوردستان دەکرێت. گوتەبێژی ئەو حیزبە دەڵێت، دەیانەوێت نەتەوە یەکگرتووەکان و لایەنە نێودەوڵەتییەکان وەک چاودێر بەشداربن لە جێبەجێکردنی هەر رێککەوتنێک لەگەڵ بەغدا
پۆلیسی شاری بەنگالۆر لە باشووری هیندستان رایگەیاند، 9 کەسیان لەسەر دزییەکی گەورە دەستگیر کردووە، تێیدا باندێک بە شێوازێکی سینەمایی و بە خۆناساندن وەک کارمەندی بانکی ناوەندی، بڕی 70 ملیۆن رووپیە (کە دەکاتە نزیکەی 800 هەزار دۆلار)یان لە ئۆتۆمبێلێکی گواستنەوەی پارە دزیبوو
راوێژکارێکی وەزارەتی کار و کاروباری کۆمەڵایەتی دەڵێت، بەپێی بڕیارێکی نوێ، کەمترین مووچەی کرێکاری ناکارامە لە هەرێمی کوردستان بە 450 هەزار دینار دیاریکراوە. ئاماژە بەوەش دەکات، ئەو کۆمپانیایانەی هێشتا پابەند نین، لەگەڵ نوێکردنەوەی گرێبەستەکانیان لە سەری ساڵدا، دەبێت پابەندی بڕیارەکە بن
ئەندامێکی پەرلەمانی عێراق لە یەکگرتووی ئیسلامیی کوردستان مەرجی بەشداریکردنی حیزبەکەی لە کابینەی نوێی حکومەتی عێراق بە "یەکڕیزیی ماڵی کورد" دەبەستێتەوە و رایدەگەیێنێت، ئەگەر کورد یەکگرتوو نەبێت لە بەغدا "دۆڕاو و لاواز" دەبێت. هاوکات نەخشەڕێگایەکی هەشت خاڵیش بۆ یەکخستنی گوتاری کورد دەخاتەڕوو
وەک دەربڕینی وەفاداری و خۆشەویستی بۆ خەڵکی کوردستان، گەنجێکی کەرتی غەززە کۆرپەکەی ناوناوە "کوردستان".
وەزارەتی بازرگانیی عێراق هەلێکی بێ بەرامبەر بۆ 10 رۆژ دەداتە ئەو خێزانانەی تاوەکو ئێستا بە هەر هۆکارێک خۆیان لە پسووڵەی ئەلیکترۆنیی خۆراک تۆمارنەکردووە و دەرفەتەکەش ئەوەیە لە ئەمڕۆوە ئەپلیکەیشنەکە کارا دەبێت و دەتوانن خۆیان تۆمار بکەن.
وەزیری کاروباری شەهیدان و ئەنفالکراوانی حکومەتی هەرێمی کوردستان رایگەیاند، ئێستا هیچ کێشەیەکی تەکنیکی لەنێوان هەولێر و بەغدا لەسەر لیستی مووچە نەماوە و دەڵێت، "ئەگەر گرفتێک هەبێت، ئاراستەکە سیاسییە."
ئەندامێکی سەرکردایەتیی یەکێتی دەڵێت، پێشبینی دەکەن لە هەڵبژاردنی پەرلەمانی کوردستاندا "سەرکەوتنێکی گەورە" بەدەستبهێنن و ببنە "دەنگی حەقیقیی خەڵکی کوردستان". دەشڵێت، قسەکانی بافڵ تاڵەبانی لە هەولێر "بە نیەتێکی خراپ نەبووە".
پارێزگای هەڵەبجە ئاماری سێ رۆژی فێستیڤاڵی "هەنار و پاییزی هەڵەبجە"ـی راگەیاند و داهاتەکەی 1.7 ملیار دینار بووە و 419 هەزار سەردانیکەری هەبووە.
شاندێکی حکومەتی هەرێمی کوردستان، بەمەبەستی گفتوگۆکردن لەگەڵ بەرپرسانی حکومەتی عێراق سەبارەت بە سێ دۆسیەی گرنگی دارایی و گومرگی، گەیشتوونەتە شاری بەغدا.
خورشید هەرکی، کەسایەتیی دیاری هۆزی هەرکی، رایگەیاند کە ئەو کێشە گەورەیەی لەسەر زەوی و زار لەگەڵ هۆزی گۆران هەبوو، بە هەوڵی سەرۆک مەسعود بارزانی، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکومەتی هەرێمی کوردستان، کۆتایی پێهاتووە. راشیگەیاند، ئەو پۆستەی لەبارەی بێلایەنیی خۆی بڵاویکردبووەوە، بەهۆی "سستی" لە چارەسەرکردنی کێشەکە بووە، بەڵام ئێستا وەک خۆی دەڵێت: "هەر کوڕی جەنابی سەرۆک بارزانیم و هەر بە پارتیش دەمێنمەوە."
هەرێم کەمال ئاغا، سەرلیستی یەکێتیی نیشتمانیی کوردستان لە هەولێر و سەرۆکی فراکسیۆنی حیزبەکەی لە ئەنجوومەنی نوێنەرانی عێراق، بە رووداوی رایگەیاند، بەپێی رێککەوتنی نێوان هەرێمی کوردستان و بەغدا و یاسای بودجە، پێویستە پێش هەڵبژاردن مووچەیەکی دیکە بۆ هەرێمی کوردستان بنێردرێت
بەگوتەی بەڕێوەبەری ناحیەی قەسرۆک، ئەو ماڵە پێشتر وەک پشتگیرییەک بۆ بەربژێرەکە، خۆیان پۆستەرەکەیان لەسەربانی خۆیان داناوە،
بەڕێوەبەری ئاو و ئاوەڕۆی هەولێر رایدەگەیێنێت، حکومەت بڕی 20 ملیار دیناری بۆ رووبەڕووبوونەوەی گرفتی کەمئاوی و وشکەساڵی تەرخانکردووە. دەشڵێت، "ئاستی ئاوی ژێرزەوی لە رۆژهەڵاتی هەولێر نزیکەی 40 مەتر دابەزیوە و بیر هەیە تەنیا ئەم ساڵ سێ جار قووڵییەکەی زیاد کراوە."
له ههرێمی كوردستان 28 بانكی پسپۆڕی ههن كه پێشینهیان بە هاونیشتمانییان داوە، ئەوانیش بانكەکانی؛ خانووبهره، پیشهسازی، كشتوكاڵ و نیشتهجێكردنن، تائێستا 231.474 كهس لە پێشینەکانی قەرزی نیشتەجێبوون، قەرزی بچووک، خانووبەرە، هاوژینی، کشتوکاڵ، پیشەسازی و گەشتیاری سوودمهند بوون.
قاسم محەممەد، سەرۆکی شارەوانیی شاوێس بە رادیۆی رووداوی گوت، وەکو پێویست نەمانتوانیوە خزمەتگوزاری بۆ گەڕەکی قەرەبوو ببەین، ئەگەرچی لە ساڵی رابردوودا دەرخستەشمان بۆ ئامادەکردووە بەبڕی 400 ملیۆن دینار، کە دروستکردنی ئاوەڕۆ و تێکەڵەڕێژی رێگاکان و دانانی شۆستە لەخۆدەگرێت، بەڵام تائێستا رەزامەندی لەسەر نەدراوە.
سەرۆکی شارەوانیی بەردەڕەش رایدەگەیێنێت، "تاوەکو ئێستا 70%ی کۆڵان و شەقامەکانی ناو سەنتەری قەزای بەردەڕەش قیرتاو نەکراون، بەڵام دەستەوەستان نین و قیرتاوکردن بەردەوامە."
بەڕێوەبەری گشتیی ئاو و ئاوەڕۆی ئاکرێ دەڵێت "لە ماوەی دوو ساڵی رابردوودا و بەهۆی کاریگەرییەکانی وشکەساڵییەوە 18 بیری ئامان وشک بوون، بەڵام حکومەت رەزامەندی پیشانداوە لەسەر لێدانەوەی ئەو بیرانە".
