'لەسەر خواردنەوەی وزەبەخش' کەسێک لە هەولێر هاوپیشەکەی خۆی دەکوژێت

16-08-2023
فەرهاد دۆڵەمەری
فەرهاد دۆڵەمەری @farhaddolamari
A+ A-

رووداو دیجیتاڵ

بەرەبەیانی ئەمڕۆ لە هەولێر کەسێک هاوپیشەکەی خۆی دەکوژێت، ئەو دوو کەسە پاسەوانی مۆڵێک بوونە و باوکی کوژراوەکە دەڵێت، "لەسەر خواردنەوەیەکی وزەبەخش بووە."
 
بەپێی زانیارییەکانی رووداو کە لە باوکی کوژراوەکە وەریگرتووە، کوڕەکەی خواردنەوەی وزەبەخشی پاسەوانەکەی دیکەی خواردووەتەوە و لەسەر ئەوە بووەتە دەمەقاڵێ، پاشان خاوەنی وزەبەخشەکە تەقەی کردووە و هاوڕێکەی کوشتووە. 
 
رووداوەکە دەوروبەری کاژێر 05:00ـی ئەم بەیانییە روویداوە، ئەو کەسەی کوژراوە ناوی عەلی عەبدولسەلامە و بکوژەکەش ناوی (ک. م). 
 
عەبدولسەلام داود، باوکی کوژراوەکە بە رووداوی گوت، کوڕەکەی تەمەنی 33 ساڵ بوو، خێزاندار و باوکی منداڵێک بووە. دەشڵێت، ئەو کەسە لە پشتەوە گولـلەی لێداوە.
 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە