چەند دیمەنێکی مەلەتیی باکووری کوردستان لەکاتی بوومەلەرزەکە. وێنە: AA
رووداو دیجیتاڵ
لە پارێزگای مەلەتی باکووری کوردستان بوومەلەرزەیەک بە گوڕی 5.9 پلەی رێختەر روویدا.
سەرۆکایەتیی کارەساتی لەناکاو و فریاگوزاریی تورکیا (ئافاد) بڵاویکردەوە، کاژێر 10:46 خولەکی بەیانی ئەمڕۆ چوارشەممە 16ـی تشرینی یەکەم بوومەلەرزەیەک لە شارۆچکەی کالە لە پارێزگای مەلەتی روویدا.
بەگوێرەی ئافاد، بوومەلەرزەکە لە قووڵایی 10.7 کیلۆمەتر تۆمارکراوە.
بوومەلەرزەکە لە بەشێکی پارێزگاکانی دەوروبەر هەستی پێکراوە و خەڵکی بەهۆی ترس و دڵەڕاوکێ لە ماڵەکانیان چوونەتە دەرەوە.
تائێستا هیچ زانیارییەک لەبارەی زیانی بوومەلەرزەکە بڵاونەکراوەتەوە.
لە 6ی شوباتی 2023 دوو بوومەلەرزە بەگوڕەکانی 7.7 و 7.6 پلەی رێختەر لە پارێزگای مەرەشی باکووری کوردستان روویاندا؛ بوومەلەرزەکان 10 پارێزگای تورکیا و باکووری کوردستانیان هەژاند.
بەگوێرەی ئامارە فەرمییەکان، 53 هەزار و 500 کەس لە باکووری کوردستان و تورکیا لە ئەنجامی ئەو بوومەلەرزانە گیانیان لەدەستدا و 107 هەزار 204 کەسی دیکە برینداربوون.
بوومەلەرزەکان بوونە هۆی گیانلەدەستدانی نزیکەی 5 هەزار کەسیش لە رۆژئاوای کوردستان و سووریا و ژمارەیەکی بەرچاو لەوانیش لە هەرێمی عەفرینی رۆژئاوای کوردستان بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ