رووداو دیجیتاڵ
گوتەبێژی حەج و عومرەی هەرێمی کوردستان رایگەیاند، هاونیشتمانییەک دوای رێوڕەسمەکانی عومرە و لەکاتی گەڕانەوەیاندا لە دەروازەی عەرعەر گیانی لەدەستداوە.
ئەو عومرەکارە نزیکەی کاژێر 03:00ـی بەرەبەیانی ئەمڕۆ گیانی لەدەستداوە و ناوی (مەلیحە ئەحمەد عەلی خان)ـە.
کاروان ستوونی، گوتەبێژی حەج و عومرەی هەرێمی کوردستان بە تۆڕی میدیایی رووداوی گوت: "بەهاوکاری بەڕێوەبەرایەتییەکەمان تەرمی ئەو هاونیشتمانییە دەگەڕێندرێتەوە کەلار".
لەبارەی هۆکاری گیانلەدەستدانی ئەو هاونیشتمانییە کاروان ستوونی گوتی: "هیچ نەخۆشیێکی نەبووە و لە پڕ گیانی لەدەستداوە".
بەگوێرەی ئاماری بەڕێوەبەرایەتییەکە، ئەم ساڵ تاوەکو ئەمڕۆ 10 هاونیشتمانی لە سعودیە گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ