لە باشووری کوردستان باران بەردەوام دەبێت

 

 

رۆژی پێنجشەممە، 16-11-2023، بەشی پێشبینی کەشوهەوا لە وەزارەتی گواستنەوە و گەیاندنی حکومەتی هەرێمی کوردستان پێشبینی کەشوهەوای 24 کاژێری داهاتووی بڵاوکردەوە و رایگەیاند، لە ئەنجامی کاریگەریی نزمە پەستانێکی نوێ لە دەریای سپی ناوەراست، ئاسمان هەوری تەواو دەبێت، لەناوچە شاخاوییەکان و ناوەراستی هەرێمی کوردستان نمەباران لە کاتەکانی بەرەبەیان دەستپێدەکات دابارین زیاد دەبێت، بەتایبەتی لە ناوچەکانی بادینان و پارێزگای دهۆک تاوەکو کاتەکانی دوای نیوەڕۆ. لە ئێوارەش کاریگەری بە لاوازیی دەمینێتەوە.

 

هەر بەپێی پێشبینییەکان، ئەمڕۆ پێنجشەممەش، ئاسمان هەور دەبێت، لەگەڵ ئەگەری نمەبارانی کەم لە ناوچە جیاجیاکان، لە ناوچە شاخاوییەکان کەمێک کاریگەری زیاتر دەبێت. لە ناوچە شاخاوییەکان، پلەی گەرما، دوو بۆ سێ پلەی دیکە نزم دەبێتەوە.

 

پلەی گەرمای پێشبینیکراو بە پلەی سیلیزی:

هەولێر:  16 پلە

سلێمانی: 15پلە

دهۆک: 14پلە

کەرکووک: 19 پلە

هەڵەبجە: 16 پلە

زاخۆ:  15 پلە

گەرمیان: 24 پلە

حاجی ئۆمەران: 7 پلە

 سۆران: 12 پلە