هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری گومرگی پارێزگای ئیلام رایگەیاند، بەهۆی هەندێک گۆڕانکارییەوە، کە لەلایەن گومرگی عێراقەوە کراوە، هەناردە لە سنووری مێهران کەمیکردووە.
دووشەممە، 17ی شوباتی 2025، سوهراب کەمەری، بەڕێوەبەری گومرگی پارێزگای ئیلام رایگەیاند: "هۆکارەکانی کەمبوونەوەی هەناردە لە سنووری مێهران، ئەو گۆڕانکارییانەیە کە لە سیستمی سنووری زڕباتیە کراوە".
سوهراب کەمەری گوتی: "لە سنووری زڕباتیە سیستمی گواستنەوەی کاڵا کراوەتە ئەلیکترۆنی و بەپێی ئەو بڕیارەی کە لە عێراق دەرچووە، سەپاندنی شەش هێندەی باج بەسەر بازرگانان وایکردووە کە روو لە سنوورەکانی دیکە بکەن بۆ هاوردەکردنی کاڵا".
ئەو شتومەکەی لە رێگەی دەروازی سنووریی مێهرانەوە هەناردە دەکرێن، بریتین لە کەرەستەی کشتوکاڵی، چیمەنتۆ، کاشی، بەرد، شیش و ئاسن و بەرهەمە پلاستیکییەکان.
دەروازەی سنووریی مێهران بە دووری 85 کیلۆمەتر کەوتووەتە باشووری رۆژئاوای شاری ئیلام و لە دیوی عێراقەوە دەکەوێتە سنووری پارێزگای واست و ناوی (زڕباتیە)یە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ