رووداو دیجیتاڵ
فەرمانبەرێکی گومرگی گەرمیان نزیکەی 240 ملیۆن دیناری لە بانکی پەروێزخان بردووە و دیارنەماوە. گوتەبێژی پۆلیسی گەرمیانیش دەڵێت: تۆمەتبارەکە فەرمانی گرتنی هەیە و هێزەکانی پۆلیس بەدوایدا دەگەڕێن.
ئەمڕۆ شەممە، 17ـی ئابی 2024، عەقید عەلی جەمال قدووری، گوتەبێژی پۆلیسی گەرمیان بە تۆڕی میدیایی رووداوی راگەیاند، "دوای ئەوەی بەڕێوەبەرایەتیی گومرگی گەرمیان سکاڵای یاساییان لەسەر فەرمانبەرێکی بەڕێوەبەرایەتییەکەیان تۆمارکرد؛ کە تۆمەتبارە بەوەی 15ـی ئاب، بڕێک پارەی لە بانکی پەروێزخان بردووە و دیارنەماوە، هێزەکانی پۆلیس دەستبەجێ دەستیان بە لێکۆڵینەوە کرد و پەڕاوی لێکۆڵینەوەیان بۆ تۆمەتبارەکە کردووەتەوە."
گوتیشی، "بڕی پارەکە 239 ملیۆن و 845 هەزار دینارە، ئەوان وەکو پۆلیس تائێستا دڵنیانین ئاخۆ ئەو بڕە پارەیە بەیەکجار براوە یاخود بە بەش بەش بووە، بەڵام فەرمانی دادوەرییان بۆ وەرگرتووە، کە دەستگیری بکەن و رادەستی یاسا بکرێت."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ