رووداو دیجیتاڵ
ناوەندی (یەرەکە) کە سەر بە پارتی ژیانی ئازادی کوردستان (پژاک)ـە، ئەمڕۆ گیانلەدەستدانی گەریلایەکی راگەیاند کە خەڵکی هەڵەبجەیە و دەڵێ، دوو ساڵ لەمەوبەر لە هێرشێکی تورکیادا کوژراوە.
لە راگەیێندراوەکەی ئەمڕۆدا، ناوەندی راگەیاندنی یەکینەکانی پاراستنی رۆژهەڵاتی کوردستان (یەرەکە) دەڵێ، لە ساڵی 2023 دەیان جار هێرشی ئاسمانی لەلایەن تورکیاوە کرایە سەر هێزەکانیان و لە ئەنجامی یەکێک لەو هێرشانەدا لە 29-01-2023 لە چیای ئاسۆس گەریلایەکیان کە نازناوی (هەڵمەت هەڵەبجە) بوو کوژراوە.
ناوی تەواوی ئەو گەریلایەی پژاک شاهید سیروانە و لەدایکبووی هەڵەبجە بووە.
راگەیاندنی یەکینەکانی یەرەکە سەرەخۆشی لە کەسوکاری گەریلاکە کردووە و رایگەیاندووە: "جارێکی دیکە بەڵێن دەدەین، ئەو هیوا و تێکۆشانەی بەڕێوەیان بردووە، بە سەرکەوتن تاجدار بکەین".
پژاک هاوشێوەی پەکەکە، عەبدوڵڵا ئۆجەلان بە رێبەری خۆیان دەزانن و تورکیا بە بەشێکی پەکەکەیان دەزانێ، بەڵام پارتەکە خۆی بە پارتێکی رۆژهەڵاتی کوردستان پێناسە دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ