هەڵەیەک روویدا! دووبارە هەوڵبدە
ناوەندەکانی خوێندن لە پارێزگای سلێمانی
رووداو دیجیتاڵ
قوتابخانەی دواناوەندی رزگاریی کچان، یەکەمین قوتابخانەیە لە سلێمانی دەستیان بە پرۆسەی خوێندن کردووەتەوە، مامۆستاکانى قوتابخانەکەش دەڵێن، لە ژێر دوو جۆر گووشاردان، گوشارێک بێمووچەیى و ئەوى دیکەش هەڕەشە و تانە و تەشەر، تا ئەو رادەیەى لەسەر ئەو هەڕەشە و ترساندنانە هێزە ئەمنییەکان دەستیان بە لێکۆڵینەوە کردووە.
نوور میران، قوتابیەکە لە لەو دواناوەندییە لەبارەی دەستپێکردنەوەی پرۆسەی خوێندنەوە دەڵێت، "دەستخۆشى لە مامۆستاکانمان دەکەم کە هاتوونەتەوە و دەستمان بە خوێندن کردووە."
ئاڤى ئیحسان، قوتابییەکی دیکەیە گوتی، "سووپاس بۆ مامۆستاکانمان کە بە خۆبەخشانە هاتوون و دەست بکەینەوە بە پرسەیەکى گرنگ کە زانست و زانیارییە بۆ نەوەکانمان."
قوتابخانەی دواناوەندی رزگاریی کچان، لەگەڵ چوار قوتابخانەی دیکە لە سلێمانى دەوام تێیدا ئاسایی بووەتەوە، لەگەڵ زیاتر لە 20 قوتابخانە کە تەنیا پۆلى 9 و 12 دەخوێنن.
عەسەل جەمیل یەکێکە لە قوتابییەکان و گوتی، "قوتابخانەى تاڤگە، لە محەممەد قوودسى قوتابخانەى نزیکمانن و ئەوان داخراون."
لە سنوورى سلێمانى، هەڵەبجە، گەرمیان و راپەڕین لە 10 قوتابخانە هەموو پۆلەکانى کراونەتەوە بەڵام هێشتا نزیکەى لە سێ هەزار ناوەندى خوێندن لەو چوار ناوچەیە دەرگاکانیان داخراون.
لە هەرێمى کوردستان مووچەى مانگى ئاب و حوزەیران دابەشنەکراوە، دابەشکردنی مووچەی مانگی 10 نزیکبووەتەوە، بەشێک لە مامۆستایان مەرجى گەڕانەوەیان بەستووەتەوە بە وەرگرتنی دوو مووچە بەسەر یەکەوە، هەندێکیش دەڵێن، "مووچەیەکیش بدرێت
پێداچوونەوە بە هەڵوێستەکەماندا دەکەین."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ