رووداو دیجیتاڵ
لە رووداوێکی هاتووچۆدا لە پارێزگای کرماشانی رۆژهەڵاتی کوردستان هاونیشتیمانییەک گیانی لەدەستدا و پێنج کەسی دیکەش بریندار بوون.
رووداوەکە بەرەبەیانیی رۆژی پێنجشەممە، 17-10-2024 و لە سەر رێگەی قەزانچی- کرماشان بووە.
مەسعود قەلعەسفیدی، بەڕێوەبەری فریاکەوتنی کرماشان رایگەیاند، کاژێر 04:35 خولەکی بەرەبەیانیی رۆژی پێنجشەممە لەسەر رێگەی نێوان قەزانچی- کرماشان ئۆتۆمبێلێکی تایبەت لە جۆری ئێل- 90 وەڕگەڕا، دەستبەجێ تیمەکانی فریاکەوتنیان بۆ شوێنی رووداوەکە نارد.
بە گوتەی مەسعود قەلعەسفیدی، لە رووداوەکەدا هاونیشتیمانییەک گیانی لەدەستداوە و پێنج کەسی دیکەش بریندار بوون.
گوتیشی، بریندارەکان لە لایەن تیمەکانی فریاکەوتنەوە بۆ نەخۆشخانەی تاڵقانیی کرماشان گوێزرانەوە.
رۆژی 16-09-2024، بێهتاش خانی ئاباد، بەڕێوەبەری گشتیی دادپزیشکیی پارێزگای کرماشان رایگەیاند، لە ماوەی پێنج مانگدا (لە 21-03-2024ـەوە تاوەکو 21-08-2024) لە سنووری ئەو پارێزگایە 226 کەس بە رووداوی هاتووچۆ گیانیان لەدەستداوە و چوار هەزار و 859 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ