رووداو دیجیتاڵ
لە شاری سەردەشتی رۆژهەڵاتی کوردستان دەست بەسەر 15 هەزار کیلۆ گۆشتی ماوەبەسەرچوودا گیرا. بەڕێوەبەری ڤێتێرنەریی شارەکە دەڵێ، دەست بەسەر بارهەڵگرێکدا گیراوە و کەسێکیش دەستگیرکراوە.
ئیبراهیم محەممەدپوور، بەڕێوەبەری ڤێتێرنەریی سەردەشت رایگەیاند، دوای ئەوەی لە لایەن خەڵکەوە زانیارییان پێگەیشت کە بڕێکی زۆری گۆشتی کواڵیتی خراپ و ماوەبەسەرچوو لە بازاڕی شارەکە هەیە و دەفڕۆشرێتە خەڵک، چاودێرییەکانیان بۆ سەر بازاڕ و گواستنەوەی بارەکان تووندتر کردەوە.
ئیبراهیم محەممەدپوور گوتی، تیمەکانیان لەنێو شاری سەردەشت گومانیان لە بارهەڵگرێک کردووە و دوای وەستاندن و پشکنینی دەرکەوتووە کە بارەکەی 15 تۆن گۆشتی ماوەبەسەرچوو بووە؛ ئاماژەی بەوەشکرد، گۆشتە ماوەبەسەرچووەکە بە شێوەی زانستی لەنێوبراوە، شۆفێری بارهەڵگرەکەش دەستگیرکراوە و پەڕاوی لێکۆڵینەوەی بۆ کراوەتەوە.
بەڕێوەبەری ڤێتێرنەریی سەردەشت گوتی، تیمەکانیان بەردەوام سەردانی دووکان، سەربڕخانە و کۆگەی گۆشتی شارەکە دەکەن و لە چاودێریکردنی بازار بەردەوام دەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ