لە شاری دوسەڵدرۆف کۆنگرەی نیشتمانیی ئێزدییەکانی رۆژئاوای کوردستان بەڕێوەچوو

 

 

لەو کۆنگرەدا ژمارەیەک ئێزیدیی رۆژئاوای کوردستان کۆبوونەوە، بۆئەوەی نوێنەرایەتییەک دروست بکەن تاوەکو لەگەڵ بەڕێوەبەرایەتیی نوێی شام بکەونە دانوستاندنەوە، بۆئەوەی مافەکانی ئێزدییەکان لە سووریای نوێی دوای ئەسەد لە دەستوور و یاسادا بە فەرمی بناسرێن.

 

 

 

ئیبراهیم سمۆ: پێش هەموو شتێک، یەکگرتنی ئێزیدییەکان پێویستە و دواتریش پشتیوانییەکی سیاسی پێویستە و پشتیوانییەکی نێودەوڵەتییش پێویستە، ئەو سێ فاکتەرە زۆر گرنگن بۆ داهاتووی سووریا و داهاتووی ئێزدییەکان و کەمینەکانی دیکە. تائێستا ئێمە کۆدەبینەوە، راوێژ دەکەین چی پێویستە و چی پێویست نییە، پێشتر دەمانگوت با بیربکەینەوە ئێمە چیمان دەوێت و دەبێت پەلە بکەین، ئەوەی چەندین ساڵ پێش ئێستا لە سووریا روویدا بەڕاستی قەیرانێکی گەورە بوو ئەو وڵاتە پێیدا تێپەڕی، میلـلەتەکەشی لێک بڵاوبووەوە، ئێزدییش وەکو پێکهاتەیەک لەو کۆمەڵگایە، بۆیە هەوڵ و توانایەکی زۆر پێویستە و چۆن دەتوانین شتێک بەدەستبخەین.

 

 

ئیبراهیم سمۆ: بەڕاستی هەوڵدەدەین یەکێتیی ئێزدییەکان بەدەستبهێنین پێش هەموو شتێک و دواتر بیربکەینەوە چۆن بەرەو کوێ دەڕۆین، چۆن بیردەکەینەوە و ستراتیژیەتێک دادەنێین، ئەو ستراتیژییە بەڕاستی گرنگە، پشتیوانیی نێودەوڵەتی و سیاسی هەردووکیان گرنگن، بە بۆچوونی من ئەمڕۆ دەبینم ئێزدییەکان ئامادەن بەرەو پرسی خۆیان بڕۆن، رەنگە پێشتر ئەو ئامادەییەی ئێزدییەکان نەبوبێت، ئێستا ئامادەن بەرەو پرسی خۆیان بڕۆن و خاڵەکانی خۆیان، یانی بوونی شتێک، بوونی خۆیان بە تایبەتمەندییەکانی خۆیانەوە راست بکەنەوە.

 

 

ئیبراهیم سمۆ: بەڕاستی مەسەلەی کۆتا زۆر گرنگە، کۆتای ئێزدی، لەبەر ئەوەی ئێزدییەکان ژمارەیان کەمە، کۆتا بە مانای مافەکانیانە، ناویشیان باس کرا پێکهاتەیەکی ئیتنۆگرافییە، بەڵام پێکهاتەیەکی ئایینییە، یانی باس بکرێت بۆئەوەی لە داهاتوودا لەنێو هەر یاسا و رێسایەکی سووریای داهاتوودا دەکرێت، ئەوەش ببێتە گەرەنتییەک.

 

 

ئیبراهیم سمۆ: بە بڕوای من ئەم وردەکارییانە ئەگەر باس بکرێن تاچەند دەتوانن بگەنە جێبەجێکردنی سیاسی، ئەوە جێبەجێکردنی سیاسی دیاریی دەکات، چەند ئێزدییەکان ژیر دەبن لەو جێبەجێکردنە سیاسییەدا و دەتوانن مافی خۆیان چەند فراوان بکەن، بەڕاستی باشتر دەبێت بە بڕوای من، بەتایبەتی زۆر گرنگە ئەم دەربڕینەی تۆ باست کرد، باس کران؛ هێشتا لەوە زیاتر داواکارییەکی فراوانترمان هەیە، بەڕاستی ئێمە دەمانەوێت هەموو شتێک بەدەستبخەین، لەبەر ئەوەی ئێزدییەکان بەپێی ژمارەی خۆیان داواکاری بکەن، ئەو کاتە ئەو هەڵوێستە زەحمەت دەبێت، بۆیە پشتیوانیی سیاسی و نێودەوڵەتییش پێویستە، تاوەکو بتوانن مافەکانی خۆیان لە سووریای داهاتوو دیاری بکەن.