هەڵەیەک روویدا! دووبارە هەوڵبدە
رووداو دیجیتاڵ
لەنێو یەکێک لە مزگەوتەکانی بەردەڕەش، کەسێک بە چەکوش لەسەری کەسێکی دیکە دەدات و برینداری دەکات.
ئەو کەسەی بە چەکوش لەسەری دراوە ناوی سوهەیب عوسمانە و تەمەنی 38 ساڵە. نێچیرڤان هەرکی، بەرپرسی راگەیاندنی تەندروستیی ئاکرێ بە رووداوی گوت، بریندارەکە گەیێندراوەتە نەخۆشخانەی فریاکەوتنی ئاکرێ و تەندروستیی جێگیرە.
بەگوتەی گوتەبێژی تەندروستیی ئاکرێ، بریندارەکە تەنیا سەری شکاوە و چارەسەری پێویستی بۆ کراوە.
بەگوێرەی زانیارییەکانی رووداو، شەڕەکە لە مزگەوتی کۆنی بەردەڕەش لە سەنتەری قەزاکە روویداوە. پێشتر ئەو دوو کەسە کێشەیان لەگەڵ یەکدی هەبووە و لە دادگە سکاڵایان لەدژی یەک تۆمار کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ