رووداو دیجیتاڵ
قایمقامی قەزای کۆیە رایگەیاند، لە پێش دادگەی کۆیە تەقە لە باوکی پارێزەرێک کراوە و تەقەکەرەکە لەلایەن پۆلیسی کۆیەوە دەستگیرکراوە.
رۆژی یەکشەممە، 18-06-2023 تاریق حەیدەری، قایمقامی قەزای کۆیە بە تۆڕی میدیایی رووداوی گوت: "تەقەکردنەکە لە نێو حەرەمی دادگەی کۆیە نەبووە، لە پێش دادگە، لەسەر شەقام تەقە لە باوکی پارێزەرێک کراوە و بریندارکراوە."
بەگوتەی قایمقامی کۆیە، رووداوەکە بەهۆی کێشەیەکی کۆمەڵایەتی و بابەتی قەرزەوە بووە و ئەو کەسەی تەقەی لە باوکی پارێزەرەکە کردووە دەستگیرکراوە.
سەبارەت بە تەندروستیی بریندارەکە، تاریق حەیدەری گوتی، باوکی پارێزەرەکە بە سووکی برینداربووە و تەندروستی جێگیرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ