رووداو دیجیتاڵ
بڕیارە سبەی شەممە لە هۆڵی سەعد عەبدوڵڵا لە شاری هەولێر، کۆنگرەی کۆمەڵی دادگەریی کوردستان بەڕێوەبچێت.
د. بێستوون حەمەساڵح، بەرپرسی مەکتەبی هەڵبژاردن و ئاماری کۆمەڵی دادگەریی ئەمڕۆ بە بە تۆڕی میدیایی رووداوی گوت: "907 ئەندام مافی بەشداربوونیان هەیە و کۆنگرەکە دوو رۆژ دەخایێنێت".
بەگوێرەی زانیارییەکانی رووداو، تاوەکو ئەمڕۆ عەلی باپیر، سەرۆکی کۆمەڵ بەربژێری سەرەکییە بۆ بوونەوە بە سەرۆکی حیزبەکە.
د. بێستوون حەمەساڵح گوتی: "لە کۆنگرەدا دەرگەی بەربژێربوون بۆ سەرۆک دەکرێتەوە".
کۆمەڵی دادگەری دەیەوێت لە کۆنگرەدا تاوتوێی هەندێک گۆڕانکاری لە شێوازی بەڕێوەبردنی حیزبەکەدا بکات، لەوانە "گۆڕانکاری لە پەیڕەوی نێوخۆ و ژمارەی ئۆرگانەکان."
کۆمەڵی دادگەریی کوردستان سبەی لە کۆنگرەدا ئەندامانی ئەنجوومەنی سەرکردایەتی و سەرۆک هەڵبژێرێت.
کۆمەڵی دادگەریی کوردستان سەرەتا بەناوی کۆمەڵی ئیسلامیی کوردستان ساڵی 2001 دامەزرا و لە کۆنگرەی چوارەمدا ناوەکەی گۆڕی. لەکاتی دامەزراندییەوە لەلایەن عەلی باپیرەوە سەرۆکایەتی دەکرێت.
ئەو حیزبە کوردستانییە کە تاوەکو ئەمڕۆ چوار کۆنگرەی بەستووە، لە پەرلەمانی عێراق یەک کورسی هەیە و لە دوایین هەڵبژاردنی پەرلەمانی کوردستانیشدا سێ کورسی بەدەستهێنا.
کۆنگرەی چوارەمی کۆمەڵی دادگەری شوباتی 2021 بەڕێوەچوو، تێیدا عەلی باپیر هەڵبژێردرایەوە و پۆستەکەی لە ئەمیرەوە کرایە سەرۆک.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ