کوردستان
شارەزایەکی کەشناسی بۆ رووداو: بوومەلەرزەکە لە قوڵایی 17 کیلۆمەتر لە قەزای خوورماڵ روویداوە.
رووداو دیجیتاڵ
بوومەلەرزەیەک لە سنووری پارێزگاکانی سلێمانی و هەڵەبجە روویدا و هاونیشتمانیان دەڵێن هەستیان پێکرد. شارەزایەکی بوومەلەرزەزانی دەڵێت، چەقەکەی گوندێکی قەزای خوورماڵ بووە بە گوڕی 3.8 پلەی رێختەر.
بەگوێرەی زانیارییەکانی رووداو، لە سەنتەری شارەکانی سلێمانی، هەڵەبجە، سەیدسادق، زەڕایەن، پێنجوێن و چەند ناوچەیەکی دیکە هەستیپێکراوە.
محەممەد کەمال، شارەزای کەشناسی و بوومەلەرزەزانی بە تۆڕی میدیایی رووداوی گوت: "پلەکەی 3.8 بووە لە قوڵایی 17 کیلۆمەتر لە قەزای خوورماڵ لە نزیک گوندی بانیشار لە پارێزگای هەڵەبجە روویداوە".
بەگوێرەی ئاماری بەڕێوەبەرایەتی کەشناسی و بوومەلەرزەزانیی هەرێمی کوردستان، مانگی رابردوو 56 بوومەلەرزە لە هەرێمی کوردستان روویانداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ