هەڵەیەک روویدا! دووبارە هەوڵبدە
رووداو دیجیتاڵ
گوتەبێژى هاوپەیمانیى ئەهلى نەینەوا رایگەیاند، لە ناوەندى قەزاى تەلەعفەر لە سنوورى نەینەوا 1460 دەنگیان بەدەستهێناوە و لە پلەی سێیەمدان.
رۆژی 18ى کانوونى یەکەمى 2023 ، غەیاس سوورچى، گوتەبێژى هاوپەیمانى ئەهلى نەینەوا (یەکێتى و هاوپەیمانەکانى)، بە تۆڕى میدیایی رووداوى راگەیاند: لە ناوەندى قەزاى تەلەعفەر لە نەینەوا لیستەکەیان 1460 دەنگى بەدەستهێناوە و چاوەڕوان دەکەن سێیەم لیست بن لە رووى بەدەستهێنانى دەنگەوە.
غەیاس سوورچى گوتیشى: "لیستى بەرەى تورکمانى یەکگرتوو لە تەلەعفەر زۆرینەى دەنگەکانى بەدەستهێناوە".
پارێزگاى نەینەوا لە 29 کورسی پێکدێت کە زیاتر لە یەک ملیۆن و 955 هەزار کەس مافى دەنگدانیان هەیە.
گوتەبێژى هاوپەیمانیى ئەهلى نەینەوا ئاماژەى بەوەدا، لیستەکەیان لە سنوورى ناحیەى بەرتلە 907 دەنگی بەدەستهێناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ