![مەسرور بارزانی [لای چەپ] و ئیلهام عەلییێڤ.](https://www.rudaw.net/s3/rudaw.net/ContentFiles/928025Image1.jpg?version=8412559 "مەسرور بارزانی [لای چەپ] و ئیلهام عەلییێڤ.")
رووداو دیجیتاڵ
ئەمڕۆ سێشەممە، لە داڤۆس، مەسرور بارزانی، سەرۆکی حکومەتی هەرێمی کوردستان، لەگەڵ ئیلهام عەلییێڤ سەرۆککۆماری ئازەربایجان کۆبووەوە.
بەپێی راگەیێندراوی حکومەتی هەرێمی کوردستان، لە کۆبوونەوەکەدا، "هەردوولا هاوڕا بوون لەسەر گرنگیی بەهێزترکردنی پەیوەندیی دوولایەنە لە بوارە جۆراوجۆرەکاندا، بە تایبەتی وەبەرهێنان و ئاڵوگۆڕی بازرگانی".
حکومەت دەشڵێت، "سەرۆک عەلییێڤ ئاماژەی بە پەیوەندیی لەمێژینە و دۆستانەی نێوان هەردوو گەلی ئازەربایجان و کوردستان کرد و بانگهێشتی سەرۆکی حکومەتی هەرێمی کوردستانیشی کرد بۆ سەردانکردنی باکۆ و ئامادەيی وڵاتەکەی بۆ کردنەوەی كۆنسووڵخانەی گشتیی ئازەربایجان لە هەولێر دەربڕی".
هاوکات، بەپێی راگەیێندراوەکە، سەرۆکی حکومەت خواستی هەرێمی کوردستانی بۆ پتەوکردنی هاریکاری و هاوئاهەنگی نێوان هەرێمی کوردستان و کۆماری ئازەربایجان دووپات کردووەتەوە.
لە لایەکی دیکە، دۆخی گشتیی ناوچەکە و بەتایبەتی پەرەسەندنەکانی سووریا، بەشێکی دیکەی گفتوگۆکان بوو. لەم بارەوە سەرۆکی حکومەت نیگەرانیی خۆی لەبارەی شەڕ و پەرەسەندنە سەربازییەکان دەربڕیوە، بەپێی راگەیێندراوی حکومەتی هەرێمی کوردستان.
مەسرور بارزانی، سەرۆکوەزیرانی هەرێمی کوردستان لەگەڵ ئیلهام عەلییێڤ، سەرۆککۆماری ئازەربایجان لە داڤۆس کۆبووەوە
— Rudaw (@Rudawkurdish) January 20, 2026
حکومەتی هەرێمی کوردستان دەڵێت: سەرۆک عەلییێڤ ئاماژەی بە پەیوەندیی لەمێژینە و دۆستانەی نێوان هەردوو گەلی ئازەربایجان و کوردستان کرد و بانگهێشتی سەرۆکی حکومەتی هەرێمی… pic.twitter.com/3px1ZwtXta
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ