سکرینشۆت لە ڤیدیۆی سەنگەرەکەی پێشمەرگە.
رووداو دیجیتاڵ
دوانیوەڕۆی ئەمڕۆ سێشەممە، لە قەزای شێخان لە سنووری پارێزگەی دهۆک، هەورەبرووسکە لە سەنگەرێک دەدات و بەهۆیەوە سێ پێشمەرگە بە سووکی بریندار دەبن.
لیوا سەعید کێستەیی، فەرماندەی لیوای چواری پێشمەرگەی زێرەڤانی بە رووداوی گوت، رووداوەکە لە کاژێر 15:30 روویداوە.
سەنگەری ئەو پێشمەرگانە دەکەوێتە سەر چیای گوندی کوخیا، لە قەزای شێخان.
بەگوتەی ئەو فەرماندەیە، بەهۆی کاریگەریی هەورەبرووسکەکەوە، چەندین کەلوپەل و ئامێری کارەبایی سووتاون.
لەبارەی بریندارەکانەوە، لیوا سەعید کێستەیی گوتی، تەنیا یەک پێشمەرگەیان رەوانەی نەخۆشخانە کراوە کە دۆخی تەندروستی جێگیرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ