هەڵەیەک روویدا! دووبارە هەوڵبدە
چیرۆکی ژیانی مەلا بەسام و حەزی بۆ مەلایەتی و گوتاردان
رووداو دیجیتاڵ
کەم بەکارهێنەری تۆڕەکۆمەڵایەتییەکان هەیە، ڤیدیۆی مەلا بەسام یان دەنگی ئەوی لەکاتی گوتاردان نەبیستبێت. قسەکانی هەمیشە دەبنە ترێند.
بەسام عەلی هەڵگری کۆنیشانەی داونە و لە ناحیەی کەلەکی سەر بە قەزای بەردەڕەش دادەنیشێت. ئەو خەونی ئەوەیە ببێتە مەلا و گوتار بۆ خەڵک بدات.
مەلا بەسام رۆژانە خۆی دەگۆڕێت و دەچێتە مزگەوت، تەسبیحێکی 230 دەنکیش دەکاتە ملی. زۆربەی جار لەکاتی نوێژ لە پشتی پێشنوێژی مزگەوتەکەوە دەوەستێت و شوێنی خۆی بە کەس نادات.
مەلا بەسام ئەوەندە حەزی لە پیشەکەیە، دەیەوێت لەبری مووچەیەک سێ مووچەی مەلایەتی هەبێت. هەروەها حەزی بەوەیە مەندیل و عەبای مەلایەتی بپۆشێت.
مەلا بەسام، کەسێکی دانەبڕاوە لە مەلا عوسمانی مەلازادەی ناسیاویان، ئەو مەلایەی بێ دڵی نەکردووە و لە زۆربەی گوتارەکاندا رێگەی پێدەدات قسە بکات. هەروەها هەندێک جار لەسەر قەبرانیش.
مەلا بەسام لەهەر شوێنێک لابدات، خەڵک بۆ وێنەگرتن لێی کۆدەبنەوە و قسەی لەگەڵ دەکەن. ئەو بەوە ناسراوە زوو زوو گوتار و قسەکانی مەلا عوسمان دەبڕێت و دەبێتە دەمەتەقێیان. هەروەها رۆژانە چوار بۆ پێنج ژەم نان دەخوات.
بەسام عەلی لە دایکبووی ساڵی 1985ـە، چوار برا و هەشت خوشکی هەن، ئەو کوڕی بچووکی دایکیەتی. هەروەها برازا و خوشکەزای زۆرن، بەو دۆخەی خۆشیەوە مام و خاڵێکی باشە بۆیان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ