کوردستان
دیمەنێکی کاتی کارکردن لە جووتسایدەکە لە مانگی ئایاری ئەم ساڵ. وێنە: پەیجی حکومەتی هەرێمی کوردستان
رووداو دیجیتاڵ
بڕیارە ئەمڕۆ شەممە مەسرور بارزانی، سەرۆکوەزیرانی هەرێمی کوردستان پڕۆژەی دووسایدی قەزای شێخان – لالش لە پارێزگای دهۆک بکاتەوە.
سەردار شێخ یەحیا، قایمقامی قەزای شێخان بە تۆڕی میدیایی رووداوی گوت، "رێوڕەسمی کردنەوەی رێگەکە بە بەشداریی رێزدار سەرۆکوەزیران دوای کاژێر 10:00ی بەیانیی ئەمڕۆ دەستپێدەکات."
قایمقامی قەزای شێخان گوتیشی، درێژیی دووسایدەکە نزیکەی 10 کیلۆمەترە و بە گوژمەی زیاتر لە 26 ملیار دینار دروستکراوە.
پڕۆژەی دووسایدی شێخان – لالش، پێش وادەی دیاریکراوی خۆی کە 400 رۆژ بوو تەواو کراوە. سەردار شێخ یەحیا دەڵێت: "پڕۆژەکە 100% تەواو بووە و ئەمڕۆ بە رووی شۆفێراندا دەکرێتەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ