رووداو دیجیتاڵ
ئێستا کاژێر 18:00یە بە کاتی هەولێر و ئامێرەکانی دەنگدان بۆ هەڵبژاردنی پەرلەمانی کوردستان بەشێوەی خۆکار لەکارکەوتن.
لە چەند خولەکی داهاتوودا، ئامێرەکان ئەنجامەکان بە رێگەی مانگی دەستکرد دەگوازنەوە بۆ ناوەندی سەرەکیی کۆمیسیۆن لە بەغدا.
دواتر ژماردنی دەستیی دەنگەکان دەستپێدەکات و چاوەڕێ دەکرێت چەند کاژێرێک بخایێنێت.
ئەمڕۆ یەکشەممە، حاکم عومەر ئەحمەد، سەرۆکی کۆمیسیۆنی هەڵبژاردنەکانی عێراق بە رووداوی گوت، "بە یاسا ناچارکراوین لە ماوەی 24 کاژێردا ئەنجامە بەراییەکان رابگەیێنین".
ئەگەرچی ئەنجامی فەرمی لە لایەن کۆمیسیۆنەوە بەردەست نین، بەڵام تۆڕی میدیایی رووداو چەندین تیمی رۆژنامەڤانی بۆ کۆکردنەوەی ئەنجامەکان پێکهێناوە.
چاوتان لەسەر رووداو بێت، سات بە سات ئەنجامەکان بڵاودەکەینەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ