رووداو دیجیتاڵ
هێزەکانی پاسەوانی سنووری عێراق 18 کەسیان دەستگیرکرد، هەوڵیان دابوو بە شێوەیەکی نایاسایی لە دهۆک و سلێمانییەوە بچنە نێو خاکی عێراقەوە.
عەمید حەیدەر کەرخی، بەڕێوەبەری راگەیاندنی فەرماندەیی پاسەوانی سنووری عێراق بە تۆڕی میدیایی رووداوی راگەیاند، ئەو 18 کەسە ویستوویانە وەکو کرێکاری نایاسایی لە پارێزگاکانی نێوەڕاست و خوارووی عێراقدا کار بکەن.
بە گوتەی عەمید حەیدەر، ئەو 18 کەسە خەڵکی چەند وڵاتێکی ئاسیایین، "ژمارەیەکیان لە سنووری دهۆک و بەشەکەی دیکەشیان لە سنووری سلێمانی دەستگیرکراون."
وەک بەڕێوەبەری راگەیاندنی فەرماندەیی پاسەوانی سنوور ئاماژەی پێدەکات، "ئەو کرێکارە نایاساییانە لە تورکیا و ئێرانەوە هاتوون و رێکاری یاساییان بەرامبەر گیراوەتەبەر، بۆئەوەی بزانرێت کێ لە پشت هێنانیانەوەیە."
بەگوێرەی ئامارە نافەرمییەکان، نزیکەى یەک ملیۆن کرێکارى بیانى لە عێراق کار دەکەن. سەندیکاى کرێکارانى عێراقیش دەڵێت، "نزیکەى 70%یان بێ مۆڵەت کار دەکەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ