سەرۆک بارزانی لە هەولێر پێشوازی لە رەجەب تەیب ئەردۆغان، سەرۆککۆماری تورکیا دەکات.
رووداو دیجیتاڵ
لەبارەی کۆبوونەوەی لەگەڵ رەجەب تەیب ئەردۆغان، سەرۆککۆماری تورکیا، سەرۆک مەسعود بارزانی رایگەیاند، "باسمان لە رێگەکانی هاوئاهەنگیی بەردەوام لەپێناو بەرژەوەندییەکانی گەلی کوردستان و تورکیا کرد".
ئەمڕۆ دووشەممە، سەرۆک بارزانی لە تۆڕی کۆمەڵایەتی ئێکس رایگەیاند، "خۆشحاڵ بووم کە ئەمڕۆ لە کوردستان پێشوازیم لە رەجەب تەیب ئەردۆغان، سەرۆککۆماری تورکیا کرد. باسمان لە رێگەکانی هاوئاهەنگیی بەردەوام لەپێناو بەرژەوەندییەکانی گەلی کوردستان و تورکیا کرد".
کۆبوونەوەکەیان لە پاش گەیشتنی ئەردۆغان بە فڕۆکەخانەی هەولێر و سەرۆکایەتیی هەرێمی کوردستان هات لە بەغداوە.
بە ڤیدیۆ.. پێشوازیی سەرۆک مەسعود بارزانی لە رەجەب تەیب ئەردۆغان، سەرۆککۆماری تورکیا و کۆبوونەوەیان. pic.twitter.com/ofIZDruGmJ
— Rudaw (@Rudawkurdish) April 22, 2024
سەرلەبەیانی ئەمڕۆ ئەردۆغان بە سەردانێکی فەرمی گەیشتە بەغدا.
عێراق و تورکیا 26 رێککەوتن و یاداشتی لێکتێگەیشتنیان لە بوارەکانی ئاسایش، بازرگانی، ئاو، رێگەی گەشەپێدان و چەند بوارێکی دیکە واژۆ کرد.
بە وێنە؛ پێشوازیی سەرۆک مەسعود بارزانی لە رەجەب تەیب ئەردۆغان و کۆبوونەوەیان لە سەرۆکایەتیی هەرێمی کوردستان. pic.twitter.com/KdVuYyne0S
— Rudaw (@Rudawkurdish) April 22, 2024
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ