هەڵەیەک روویدا! دووبارە هەوڵبدە
کوردستان
کەسێک لەنێو ئاوەوە دەستی هێناوەتە دەرەوە، وەکو ئاماژەیەک بۆئەوەی خەریکە دەخنکێت. وێنەکە تەنیا بۆ روونکردنەوەی هەواڵەکەیە و دروستکراوە
رووداو دیجیتاڵ
گوتەبێژی بەرگریی شارستانیی دهۆک دەڵێت، ئەمڕۆ کەسێک لە سنووری قەزای سێمێل و دوو کەسیش لە بەنداوی موسڵ لە ئاودا خنکان.
رۆژی یەکشەممە 22ی حوزەیرانی 2025 بێوار عەبدولعەزیز، گوتەبێژی بەرگریی شارستانیی دهۆک بە تۆڕی میدیایی رووداوی راگەیاند، "کاژێر 02:00ی دوای نیوەڕۆ، کچێکی عەرەب لە سنووری قەزای سێمێل کەوتە بیرێک و گیانی لەدەستدا."
بە گوتەی بێوار عەبدولعەزیز، ئەو کچە ناوی نورا ئەدهەم، تەمەنی 14 ساڵ و خەڵکی موسڵە.
گوتەبێژی بەرگریی شارستانیی دهۆک ئاماژەی بەوەش کرد، هەر ئەمڕۆ کاژێر 01:00ی دوای نیوەڕۆ، دوو گەشتیار لە کاتی مەلەکردندا لە بەنداوی موسڵ خنکان.
بە گوتەی بێوار عەبدولعەزیز، یەکێکیان 11 ساڵ و ئەوی دیکەیان 23 ساڵ بووە، هەردووکیشیان عەرەب بوون.
گوتەبێژی بەرگریی شارستانیی دهۆک گوتی، هەندێک شوێن قووڵن و هاووڵاتییان ئاگادار دەکرێنەوە کە لەو شوێنانەدا مەلە نەکەن، بەڵام خەڵکێکی زۆر هەر مەلە دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ