هەڵەیەک روویدا! دووبارە هەوڵبدە
خاڵێکی نوێی سەربازیی تورکیا لە دەڤەری نهێلێ لە سنووری ئامێدی
رووداو دیجیتاڵ
زنجیرە چیای مەتین لە سنووری ئامێدی لە پارێزگای دهۆک لەژێر بۆردوومانێکی چڕدایە، قورسایی ئۆپەراسیۆنی چنگ قوفڵ کەوتووتەوە دەڤەری نهێلێ و ئاگری شەڕی تورکیا و پەکەکە لە دەڤەرەکە فراوانتر بووە.
رەڤەند گوهەرزی، فەرمانبەر و خەڵکی سنوورەکە بە رووداوی گوت، "گوهەرزێ، بەرچی و بەلاڤە کە چەند گوندێکی کۆنی سنوورەکەن، تۆپ و بۆردوومان تەنیا 200 مەتر لەم گوندانەوە دوورن. خەڵك باخ و بێستانی زۆری هەیە، بەڵام هەموویان چۆڵکردووە و کەس ناوێرێت لە ماڵ بچێتە دەرەوە."
لە سێ رۆژی رابردوودا سوپای تورکیا لە 10 شوێنی جیاوازی دەڤەری نهێلێ خاڵی سەربازی داناوە. فەرماندەیەکی سەربازی دەڵێت، تورکیا خاڵە سەربازییەکانی لە شوێنی بەرز و ستراتیژی دادەنێت و زیاتر لەهەر خاڵێک زیاتر لە هەزار سەربازی جێگیر کردووە.
حەسەن سێری، فەرماندەی سەربازی دەڵێت، "خاڵێکیان لە دەڤەری بەرواری داناوە، فەوجێک لە دەڤەری نهێل، فەوجێکی دیکە لە بانیا کەرۆ و لە دەڤەری نێروەییش فەوجێکی دیکەیان داناوە. هەروەها لە دەڤەری رێکانیش خاڵی سەربازییان داناوە و سەربازی زۆری لێیە."
تاوەکو دێت دۆخی ئەو پێنج گوندەی نزیک شوێنی ئۆپەراسیۆنەکە خراپتر دەبێت. لە هەفتەیەکدا سێ جار ئاگر لە ئاقاری ئەو گوندانە کەوتووەتەوە و مەترسیی چۆڵبوونیان لەسەرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ