رووداو دیجیتاڵ
کەشناسیی هەرێمی کوردستان دەڵێت، سبەی لە شارەکاندا بەرزترین پلەی گەرما لە گەرمیان دەبێت بە 48 پلەی سیلیزی و نزمترینیش لە سلێمانی دەبێت بە 41 پلەی سیلیزی. کەشناسێکیش دەڵێت، ئەمشەو لە سلێمانی و ئیدارەی راپەڕین رەشەبا دەبێت.
رۆژی شەممە 22ـی تەممووزی 2023، کەشناسیی هەرێمی کوردستان بڵاویکردەوە، پلەی گەرمای سبەی یەکشەممە نزیک دەبێت لە پلەی گەرمای ئەمڕۆ؛ هەروەها خێرایی با 5 بۆ 15 کیلۆمەتر دەبێت لە کاژێرێکدا.
ئاراس جەبار، شارەزای کەشناسی ئەمڕۆ شەممە بە تۆڕی میدیایی رووداوی گوت، پلەی گەرما لە بەرزییدا دەمێنێتەوە و سبەی یەک پلە بەرزتر دەبێت لە ئەمڕۆ؛ تاوەکو 6ـی مانگی داهاتوو گۆڕانکارییەک لە پلەی گەرما روونادات جێگەی باس بێت.
ئاراس جەبار گوتیشی، ئەمشەو لە سلێمانی و دەڤەری راپەڕین رەشەبا دەبێت و خێرایی با تاوەکو سبەی بەردەوام دەبێت.
بەرزترین پلەی گەرمای پێشبینیکراو بۆ سبەی یەکشەممە لە باشووری کوردستان بەمشێوەیەی خوارەوە دەبێت:
هەولێر؛ 44 پلەی سیلیزی
سلێمانی؛ 41 پلەی سیلیزی
دهۆک؛ 43 پلەی سیلیزی
کەرکوووک؛ 46 پلەی سیلیزی
هەڵەبجە؛ 44 پلەی سیلیزی
زاخۆ؛ 43 پلەی سیلیزی
سۆران؛ 43 پلەی سیلیزی
گەرمیان؛ 48 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ