رووداو دیجیتاڵ
کۆنگرەی یەکێتیی ئافرەتانی کوردستان کۆتاییهات و سکرتێری نوێ و ئەندامانی سکرتارییەت هەڵبژێردران.
رۆژی هەینی 22-12-2023، یەکێتی ئافرەتانی کوردستان لە دووەم رۆژی کۆنگرەدا (زیبا تەها)ی وەکو سکرتێری نوێی رێخکراوەکە هەڵبژارد.
لە کۆنگرەکەدا یەکێتیی ئافرەتانی کوردستان حەوت ئەندامی بۆ سکرتارییەتی رێکخراوەکە هەڵبژارد، کە دوویان لە سنووری هەولێر، دوو لە دهۆک، یەک لە سلێمانی، یەک لە کەرکووک و یەکێکیش خەڵکی سنووری شنگال بوو لە پارێزگای نەینەوا.
ناوی ئەوانەی لە کۆنگرەدا هەڵبژێردران:
- زیبا تهها، لە سنووری هەولێر - سكرتێری یهكێتی ئافرهتانی كوردستان
- شاناز محهمهد، لە سنووری هەولێر - ئەندام
- لیا سەیفەدین، لە سنووری سلێمانی - ئەندام
- زەری نەوزاد، لە سنووری دهۆک - ئەندام
- سوهام سهڵاح، لە سنووری دهۆک - ئەندام
-کەژاڵ هیدایەت، لە سنووری کەرکووک - ئەندام
- دلڤین خهلهف، لە سنووری شنگال - ئەندام
کۆنگرەی یەکێتیی ئافرەتانی کوردستان رۆژی پێنجشەممە 21-12-2023 دەستیپێکرد و رۆژی هەینی لە دووەم رۆژیدا کۆتاییهات.
یەکێتیی ئافرەتانی کوردستان رێکخراوێکی مرۆییە و لە بواری ئافرەتاندا لە هەرێمی کوردستان و مەڵبەندە کوردییەکان لە جیهان کاردەکات. ئەم رێکخراوە لە 11-12-1952 لە شاری سلێمانی دامەزرا، بۆ کۆکردنەوە و رێکخستنی تواناکانی ئافرەتان لە بەشداریکردنیان لە شۆڕشی ئەیلوول و پایە رامیاری و کۆمەڵایەتییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ