رووداو دیجیتاڵ
مەزڵووم عەبدی، فەرماندەی هێزەکانی سووریای دیموکرات- هەسەدە رایگەیاند، "پێزانینی زۆرمان هەیە بۆ هەوڵەکانی سەرۆک مەسعود بارزانی و کاک نێچیرڤان بارزانی لەم قۆناخەدا، هەروەها هەڵوێستی هەرێمی کوردستان، بە سەرکردایەتی و گەلەکەیەوە، لای گەلی ئێمە جێگەی رێز و پێزانینی بێپایانە".
مەزڵووم عەبدی لە پۆستێکی Xدا ئەمڕۆ هەینی، 23-1-2026 ئاماژەی بەوە کردووە، "لە چوارچێوەی هەوڵە سیاسییەکان بۆ نزیککردنەوەی دیدگاکانی نێوان ئێمە و حکومەتی سووریا، لەگەڵ کاک نێچیرڤان بارزانی، سەرۆکی هەرێمی کوردستانی عێراق کۆبوومەوە".
هەروەها باس لەوە دەکات، "پێزانینی زۆرمان هەیە بۆ هەوڵەکانی سەرۆک مەسعود بارزانی و کاک نێچیرڤان بارزانی لەم قۆناخەدا، چونکە بەردەوامن لە پشتگیریکردنی هەوڵە سیاسییەکان بە هەماهەنگی لەگەڵ نێوەندگیری ئەمریکی، بە مەبەستی راگرتنی شەڕ و گەڕانەوە بۆ دیالۆگ و جێبەجێکردنی رێککەوتننامە واژۆکراوەکان، بە شێوەیەک کە سەرکەوتنی پرۆسەی تێکەڵبوون لە نێوان ئێمە و حکومەتی سووریا مسۆگەر بکات".
لەبارەی خەڵکی باشووری کوردستانیشەوە مەزڵووم عەبدی دەڵێت، "هەڵوێستی هەرێمی کوردستان، بە سەرکردایەتی و گەلەکەیەوە، لای گەلی ئێمە جێگەی رێز و پێزانینی بێپایانە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ