رووداو دیجیتاڵ
ئاگر لە زەوییە کشتوکاڵییەکانی شاری چەواری سەر بە پارێزگای ئیلام کەوتەوە، بەڕێوەبەری کشتوکاڵی پارێزگاکە دەڵێت، دوای حەوت کاژێر توانراوە کۆنترۆڵ بکرێت.
ئاگرەکە دوای نیوەڕۆی پێنجشەممە 22-05-2025 لە ناوچەی ''شەرەف رێ''ـی شاری چەواری سەر بە پارێزگای ئیلامی رۆژهەڵاتی کوردستان کەوتەوە و بە خێرایی بەشێک لە دارستان و زەوییە کشتوکاڵییەکانی گرتەوە.
رەزا شێروانی، بەڕێوەبەری کشتوکاڵی پارێزگای ئیلام رایگەیاند، دەستبەجێ تیمەکانی بەرگریی شارستانی، دەستەی پاراستنی سەرچاوە سرووشتییەکان و ژینگەپارێزان گەیشتوونەتە شوێنی رووداوەکە و هەوڵی کۆنترۆڵکردنی ئاگرەکەیان داوە.
وەک رەزا شێروانی دەڵێت، کۆنترۆڵکردنی ئاگرەکە زیاتر لە حەوت کاژێری خایاندووە و بەگوێرەی زانیارییە سەرەتاییەکان، زیاتر لە چوار هیکتار زەویی کشتوکاڵی و دارستان سووتاون.
تائێستا هۆکاری ئاگرکەوتنەوەکە روون نییە و بەگوتەی بەڕێوەبەری کشتوکاڵی پارێزگاکە، لێکۆڵینەوەکان بەردەوامن.
شاری چەوار 20 کیلۆمەتر لە ناوەندی پارێزگای ئیلامەوە دوورە. پارێزگاکە بەگشتی خاوەنی 340 هەزار هیکتار زەویی کشتوکاڵیی دێمی و بەراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ