هەڵەیەک روویدا! دووبارە هەوڵبدە
رووداو دیجیتاڵ
دەمەقاڵە لە گوندێکی سنووری ئامەدی باکووری کوردستان لەسەر کێشەی زەویوزار کەوتە نێوان دوو خێزان و لە ئەنجامدا دوو کەس کوژران و چوار کەسی دیکە بریندار بوون.
رووداوەکە درەنگانی شەوی رابردوو لە گوندێکی سنووری شارۆچکەی یەنیشەهیر روویدا. سەرەتا دەمەقاڵە لەنێوان دوو خێزانەکەدا دروستبوو و دواتریش بووە شەڕە تەقەیان.
تیمەکانی پۆلیس، جەندرمە و تەندروستی گەیشتنە شوێنی رووداوەکە. لە شەڕەکەدا 6 کەس برینداربوون و گەیێندرانە نەخۆشخانە.
وێڕای وەرگرتنی چارەسەر، دوو لە بریندارەکان گیانیان لەدەستدا و دواتریش تەرمەکانیان رەوانەی دادپزیشکی کرا.
تیمەکانی پۆلیس لێکۆڵینەوەیان لە رووداوەکە دەستپێکرد و 13 کەسیان دەستگیرکرد. تیمەکان پشکنینیان بۆ هەشت ماڵ و پێنج ئۆتۆمبێل کرد و دەستیان بەسەر ژمارەیەک چەکدا گرت.
بەگوێرەی ئاماری نافەرمی، پار لە تورکیا و باکووری کوردستان سێ هەزار و 801 رووداوی تووندوتیژی روویانداوە و تێیاندا دوو هەزار و 370 کەس کوژراون و سێ هەزار و 829ـی دیکەش بریندار بوون. لە سێ هەزار و 194 رووداودا دەمانچە و لە 607 رووداویشدا چەقۆ بەکارهێندراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ