رووداو دیجیتاڵ
لە سنووری گوندێکی قەزای شەقڵاوە لە پارێزگای هەولێر، بەهۆی ئاگرکەوتنەوەوە نزیکەی 10 دۆنم زەوی پووش و پاوان و داری سرووشتی سووتا.
عەمید تەحسین تەها، بەڕێوەبەری دارستان و ژینگەی شەقڵاوە ئەمڕۆ شەممە بە تۆڕی میدیایی رووداوی گوت: "ژمارەیەکی زۆر دار سووتاون کە زۆرینەیان دار بەڕوو و داری مازوون".
ئاگرەکە لە گوندی پونگینە بووە لە سنووری ناحیەی هیران لە قەزای شەقڵاوە. عەمید تەحسین دەڵێت: "شەوی رابردوو بە هەوڵی بەرگری شارستانی و پۆلیسی دارستان ئاگرەکە کۆنترۆڵکرا".
بەڕێوەبەری دارستان و ژینگەی شەقڵاوە ئاماژەی بەوەشکرد، جگە لە زیانە ژینگەییەکان، ئاگرەکە هیچ زیانێکی گیانی نەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ