رووداو دیجیتاڵ
بە گوێرەی بوومەلەرزەزانیی عێراق، ئەمڕۆ شەممە بوومەلەرزەیەک لە باشووری پارێزگای هەولێر بە گوڕی 3.2 پلەی رێختەر روویداوە.
عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق، ئەمڕۆ شەممە 23ـی ئابی 2025 بە تۆڕی میدیایی رووداوی راگەیاند، بەرەبەیانی ئەمڕۆ شەممە بوومەلەرزەیەک لە سنووری پارێزگای هەولێر نزیک سنووری ئێران روویداوە.
بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق گوتی، بوومەلەرزەکە بە دروست کاژێر 02:23:58ـی بەرەبەیان روویداوە، قووڵاییەکەی 7 کیلۆمەتر بووە، لەسەر هێڵی پانی 36 و هێڵی درێژی 44.1 و گوڕەکەشی 3.2 پلەی رێختەر بووە.
عامر جابری ئاماژەی بەوەکرد، بوومەلەرزەکە زیانی گیانی و مادی نەبووە، بەڵام لە لایەن بەشێک لە هاونیشتمانییانەوە هەستی پێکراوە.
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رۆژی 8ـی ئابی 2025 بڵاویکردەوە: "تۆڕی بوومەلەرزەی کوردستان لە مانگی تەمموزدا 426 بوومەلەرزەی تۆمارکردووە، بەڵام 56ـیان لەنێو هەرێمی کوردستان بوون".
بەگوێرەی راگەیێندراوەکە، بەرزترین گوڕی بوومەلەرزەی تۆمارکراو لە مانگی تەممووزدا لە پارێزگای دهۆک بووە لە 23-07-2025 بە گوڕی 3.4 پلەی رێختەر.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ