رووداو دیجیتاڵ
دەستەی کەشناسی و بوومەلەرزەزانیی عێراق دەڵێت، ئێوارەی ئەمڕۆ بوومەلەرزەیەک بە گوڕی 3.1 هەڵەبجەی هەژاندووە.
عامر جابری، گوتەبێژی دەستەی کەشناسی و بوومەلەرزەزانیی عێراق رۆژی هەینی بە تۆڕی میدیایی رووداوی راگەیاند: "کاژێر 06:53 خولەکی ئێوارەی ئەمڕۆ، بوومەلەرزەیەک بە گوڕی 3.1 پلەی رێختەر باکووری رۆژئاوای هەڵەبجەی هەژاند."
بە گوتەی گوتەبێژەکەی دەستەی کەشناسی و بومەلەرزەزانیی عێراق، "بوومەلەرزەکە بە قووڵیی 5 کیلۆمەتر بووە و هیچ زیانێکی گیانی و مادی نەبووە و تەنانەت بەشێک لە دانیشتووانی ناوچەکەش هەستیان پێنەکردووە."
بەپێی ئاماری دەستەی کەشناسی و بوومەلەرزەزانیی عێراق، لە ساڵی 2024دا 231 بوومەلەرزە لە سەرانسەری عێراق و هەرێمی کوردستان روویانداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ