رووداو دیجیتاڵ
سەرۆکی حکومەتی هەرێمی کوردستان دامودەزگاکان رادەسپێرێت "ئەو دەستانە ئاشکرا بکەن" کە لەپشت تاوانی کوژرانی عەمیدی خانەنشین محەممەد میرزا بوون، کە شەوی رابردوو لە زاخۆ ئۆتۆمبێلەکەی ئاگری گرت و گیانی لەدەستدا.
مەسرور بارزانی، سەرۆکی حکومەتی هەرێمی کوردستان لە پرسەنامەیەک کە ئاراستەی بنەماڵەی عەمید محەممەد میرزا یونس سۆفیی کردووە دەڵێت، "شەوی رابردوو لە کردەوەیەکی گوماناویدا، ئۆتۆمبێلی عەمیدی خانەنشین محەممەد میرزا یونس سۆفی لەناو شاری زاخۆ تەقییەوە و بەمەش ئەم ئەفسەرە ماندوونەناسەی ئەنجوومەنی ئاسایشی هەرێمی کوردستان شەهید بوو."
لە بەشێکی دیکەی گوتەکانیدا، سەرۆکی حکومەتی هەرێمی کوردستان ئاماژەی بەوە کردووە، "لەم بارەوە دامودەزگا پەیوەندیدارەکانم راسپاردووە لێکۆڵینەوەیەکی ورد لەم رووداوە بکەن و ئەو دەستانە ئاشکرا بکەن کە لەپشت ئەم تاوانەوەن."
شەوی یەکشەممە 23-07-2023، ئۆتۆمبێلێک لەسەر شەقامێکی زاخۆ گڕیگرت.
ڤیدیۆ.. ئۆتۆمبێلێک لەسەر شەقامێکی زاخۆ گڕدەگرێت pic.twitter.com/WWz71OMaLA
— Rudaw (@Rudawkurdish) July 23, 2023
دوای رووداوەکە رائید ئەحمەد رەمەزان، گوتەبێژی پۆلیسی زاخۆ بە رووداوی راگەیاند، کەسێک لەنێو ئۆتۆمبێلەکەدا سووتاوە و گیانی لەدەستداوە، لیژنەیەکی لێکۆڵینەوەشیان پێکهێناوە و هێشتا نەگەیشتوونەتە هیچ ئەنجامێک لەبارەی ئەوەی ئۆتۆمبێلەکە چۆن گڕیگرتووە و هۆکارەکەی چی بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ