شوێنی رووداوە هاتووچۆکە
رووداو - سلێمانی
لەسەر رێگەی سلێمانی - عەربەت رووداوێکی هاتووچۆ روویدا و بەپێی زانیارییەکانی بەڕێوەبەری نەخۆشخانەی شۆڕش لە سلێمانی، دوو کەس گیانیان لەدەستداوە و دوو کەسیش بریندارن.
سامان نادر، بەڕێوەبەری فریاکەوتنی خێرای سلێمانی بە تۆڕی میدیایی رووداوی راگەیاند، لەسەر رێگەی سلێمانی - عەربەت رووداوێکی هاتووچۆ روویداوە و لە نەخۆشخانەکانی شۆڕش، هیوا و فریاکەوتنی خێرای سلێمانییەوە تیمیان ناردووە، چونکە پێیان راگەیێندراوە کە گیانلەدەستدان و بریندار لە رووداوەکەدا هەن.
رووداوەکە لەنێوان تاکسییەک و ئۆتۆمبێلێکی تایبەتدا بووە. عەقید بەختیار محەممەد، بەڕێوەبەری راگەیاندنی هاتووچۆی سلێمانی بە رووداوی گوت، تیمەکانیان چوونەتە شوێنی رووداوەکەوە و سەرقاڵی لێکۆڵینەوەن.
هەروەها بەڕێوەبەری نەخۆشخانەی شۆڕش بە رووداوی گوت، ئەو کەسانەی گیانیان لەدەستداوە ژن و پیاوێکن.
هاتووچۆی سلێمانی لەبارەی رووداوەکە دەڵێت، ئۆتۆمبێلێک کە بە ئاراستەی عەربەت رۆشتووە، کۆنترۆڵی لەدەستداوە و چووەتە ئەو سایدەی بۆ سلێمانی دێت، لە ئەنجامدا دوو کەس گیانیان لەدەستداوە و دووانی دیکەش بە سەختی بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ