هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری یەکەی باخداریی مهاباد دەڵێت؛ بەرهەمی سێو ئەم ساڵ لە مهاباد 110 هەزار تۆن بووە.
رۆژی دووشەممە، 24ی تشرینی دووەمی 2025، هیدایەت عەبدولی، بەڕێوەبەری یەکەی باخداری مهاباد رایگەیاند: "لە سەرەتای بەهار بەهۆی سەرما و تەرزەوە، پێشبینی دەکرا بەرهەمی سێو لە مهاباد 20٪ بۆ 25٪ کەم بکات و ئێستا ئەو پێشبینییە بووەتە راستی."
بەگوتەی بەڕێوەبەری یەکەی باخداری مهاباد، 20٪ بەرهەمی سێو لە نێوخۆی مهاباد بەکاردێت و 80٪ی بۆ شارەکانی دیکەی پارێزگای ورمێ و پارێزگاکانی دیکە ئێران دەنێردرێت.
لە مهاباد 8 هەزار هێکتار باخی سێو هەیە و هەر هێکتارێک لەو باخانە 16 تۆن بەرهەمی دەبێت.
پارێزگای ورمێ 800 هەزار هێکتار زەویی کشتوکاڵی هەیە و ساڵانە سەرووی شەش ملیۆن تۆن بەروبوومی کشتوکاڵی بەرهەم دەهێنێت. هەروەها 122 هەزار هێکتار لە رووبەری زەوییە کشتوکاڵییەکانی رەز و باخن، کە زیاتر لە 65 هەزار هێکتاریان کراونەتە سێو و پارێزگاکە لە بەرهەمهێنانی سێو لەسەر ئاستی ئێران لە پلەی یەکەم دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ