رووداو دیجیتاڵ
مەسرور بارزانی، سەرۆکی حکومەتی هەرێمی کوردستان لە ساڵیادی گشتپرسیی سەربەخۆیی پەیامێکی پیرۆزبایی ئاراستەی گەلی کوردستان و سەرکردایەتیی سیاسی و "پێشمەرگە قارەمانەکان" کرد.
سەرۆکی حکومەت لە پەیامەکەیدا، یادی ساڵڕۆژی گشتپرسی بە "رۆژی بڕیاری بوێری گەلی کوردستان" و "رۆژی سەرکەوتنی ئیرادەی نەتەوەکەمان" وەسف کرد.
هەروەها ئاماژەی بەوەدا کە ئەو رۆژە، رۆژی هیوا و ئومێد بوو بۆ بەدیهێنانی مافی چارەی خۆنووسین.
مەسرور بارزانی لە بەشێکی دیکەی پەیامەکەیدا، پیرۆزبایی گەرمی خۆی ئاراستەی سەرکردە و رابەر و پێشمەرگە سەرۆک بارزانی و "بنەماڵەی سەربەرزی شەهیدان و پێشمەرگە قارەمانەکان و گەلی نیشتیمانپەروەر و خۆڕاگری کوردستان کرد."
جەختی لەسەر رۆڵی پێشمەرگە و قوربانیدانی شەهیدان لە پاراستنی خاک و بەها نەتەوەییەکان کردەوە، کە بوونە مایەی بەهێزکردنی بنەماکانی بڕیاری گشتپرسی.
گشتپرسیی سەربەخۆیی هەرێمی کوردستان لە 25ی ئەیلوولی 2017 بە سەرۆکایەتیی سەرۆک بارزانی ئەنجام درا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ