رووداو دیجیتاڵ
هاونیشتمانییان لە سنووری شارۆچکەی سێوەرەکی پارێزگای رووها لە باکووری کوردستان نوێژەبارانەیان کرد.
هاونیشتمانییان لە 10 گوندی سنووری شارۆچکەی سێوەرەک کۆبوونەوە و نوێژەبارانە و نزای بارانبارینیان کرد. هاونیشتمانییەکان ئاژەڵیشیان سەربڕی.
خەڵکی 10 گوندەکە، 10 مەڕیان سەربڕی و نیوەیان بەسەر هەژاران دابەش کرد و پێنج مەڕەکەی دیکەشیان لە دوو ژەمدا بۆ خواردن ئامادەکرد.
جووتیارانی رووها نیگەرانن لە دواکەوتن و کەمی باران و دەڵێن، زیان بە کشتوکاڵ و سامانی ئاژەڵ کەوتووە و ترسیان لە وشکەساڵیش هەیە.
دوایینجار رۆژی 19ـی کانوونی یەکەمی 2024 لە رووها باران باری؛ کەم بارانی وایکردووە ئاستی ئاوی هەر چوار بەنداوەکەی رووها بۆ 41.82 کەمبووەتەوە.
لە رووهای باکووری کوردستان چوار بەنداو بەناوەکانی کولهان، نارلیکایا، بیرەجیک و ئەتاتورک هەن؛ دووانیان دەکەونە سنووری شارۆچکەی سێوەرەک.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ