رووداو دیجیتاڵ
کانێکی کانزای کرۆم لە پارێزگای خارپێتی باکووری کوردستان داتەپی، بەپێی زانیارییە سەرەتاییەکان، دوو کرێکار لەژێر کانەکەدا گیریان خواردووە و یەکێک لە کرێکارەکان رزگار کراوە.
بەیانیی رۆژی دووشەممە، 26ـی شوباتی 2024، رووداوەکە روویداوە و بەپێی زانیارییە سەرەتاییەکانی سهرۆكایهتیی بەڕێوەبردنی كارهسات و باری لهناكاوی تورکیا - ئافاد، "تائێستا دوو کرێکار لەژێر کانە داتەپیوەکەدا گیریان خواردووە و یەکێکیان رزگارکراوە."
کانەکە دەکەوێتە سنووری شارۆچکەی خولامان لە پارێزگای خارپێتی باکووری کوردستان و کانزای کرۆمی تێدا دەردەهێندرێت.
دوای رووداوەکە ژمارەیەک ئەمبووڵانس، ئەندامی تیمی دیکەی فریاگوزاری گەیشتنە شوێنی رووداوەکە و لە هەوڵی رزگارکردنی دوو کرێکارە گیرخواردووەکەدان.
رۆژی 13ـی شوباتی 2024، کانی زێڕی شارۆچکەی ئیلیچ لە ناوچەی ئەرزنگانی باکووری کوردستان داڕما و نۆ کرێکار کەوتنە ژێر و تاوەکو ئێستاش تەرمەکانیان نەدۆزراوەتەوە.
لە تورکیا و باکووری کوردستان 13 هەزار و 418 کانی کانزا هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ