هەڵەیەک روویدا! دووبارە هەوڵبدە
رووداو دیجیتاڵ
پۆلیسی دهۆک کچ و کوڕێکی دەستگیر کرد و دەڵێت، هەڕەشەی بڵاوکردنەوەی وێنەیان لە کچان کردووە.
رۆژی چوارشەممە 26ی ئاداری 2025 هێمن سلێمان، گوتەبێژی پۆلیسی دهۆک بە تۆڕی میدیایی رووداوی راگەیاند، کچ و کوڕەکە هاوڕێی یەکدی بوون؛ کچەکە وێنە و ڤیدیۆی هاوڕێ کچەکانی بۆ کوڕەکە ناردووە، ئەویش بۆ کچەکانی ناردووەتەوە و هەڕەشەی لێکردوون.
گوتەبێژی پۆلیسی دهۆک رایگەیاند، "کچەکە لە سناپچات ستریکی هاوڕێ کچەکانی لای خۆی هەڵگرتووە و بۆ کوڕەکەی ناردووە، بۆئەوەی ئەویش بۆیان بنێرێتەوە و هەڕەشەیان لێ بکات."
یەکێک لەو کچانەی هەڕەشەی لێکرابوو، لای پۆلیس سکاڵای کردووە.
هێمن سلێمان دەڵێت، دوای لێکۆڵینەوە و بەدواداچوون، تۆمەتباران دەستنیشان کران و دەستگیر کران. گوتیشی، "هەردووکیان دانیشتووی دهۆکن و دانیان بە تاوانەکەیاندا ناوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ