هەڵەیەک روویدا! دووبارە هەوڵبدە
رووداو دیجیتاڵ
لە گوندی برایم ئابادی سەر بە ناوچەی ئاڵەشینی بۆکان، دوای تەواوبوونی خولێکی فێرکردنی زمانی کوردی، بڕوانامەی فێربوونی خوێندن و نووسینی کوردی بە فێرخوازان درا.
ئەمڕۆ شەممە،26ـی نیسانی 2025، سمکۆ سڵامەت، مامۆستای زمانی کوردی بە رووداوی راگەیاند، "لەلایەن فێرگەی ئەدەب لە بۆکان خولی فێربوونی خوێندن و نووسینی زمانی کوردی بۆ خەڵکی گوندەکە کراوەتەوە و لە گوندەکە 50 کەس لە تەمەنی جیاوازدا لە کچ و کوڕ بەشداری خولەکە بوون".
سمکۆ سڵامەت گوتی: "دوای تەواوبوونی خولەکە بە بەشداری کۆمەڵێک لە شاعیر و نووسەرانی بۆکان و خەڵکی گوندەکە بڕوانامە بە فێرخوازان بەخشرا".
ئەو مامۆستایە ئاماژەی بەوەشکرد، "لە هەمان کاتدا لە لایەن شاعیر و نووسەرانەوە کۆمەڵێک کتێبی جیاواز وەک دیاری براوەتە گوندەکە و بڕیارە لە داهاتوویەکی نزیک کتێبخانەیەک بۆ گوندەکە بکرێتەوە".
سمکۆ سڵامەت، خۆی ئەرکی وانە گوتنەوەی لەو گوندە لە ئەستۆ بووە.
لە رۆژهەڵاتی کوردستان، پەروەردە بە زمانی دایک نییە و فێرکردنی زمانی کوردی لەسەر شانی فێرگەکانە. زۆربەی خولەکان بە خۆبەخش و بێبەرامبەر بەڕێوەدەچن و بەشداری لە بەشێکیشیان تێچوویەکی کەمی بۆ بەشداربووان هەیە تاوەکو پێداویستییەکانی فێرگەکەی پێ دابین بکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ