رووداو دیجیتاڵ
لە پارێزگای رووهای باکووری کوردستان، رووداوێکی هاتووچۆ لەنێوان نۆ ئۆتۆمبێلدا روویدا؛ لە ئەنجامدا پێنج کەس بریندار بوون.
دوێنێ ئێوارە، نۆ ئۆتۆمبێل لە رێگەی سەرەکیی نێوان شارۆچکەی ئەیووبیە و ناوەندی شاری رووها، خۆیان بەیەکدا کێشا و لە ئەنجامدا پێنج کەس بریندار بوون؛ دۆخی تەندروستیی چوار لە بریندارەکان جێگیر نییە.
دوای رووداوەکە، هاونیشتمانییان لایەنە پەیوەندیدارەکانیان ئاگادارکردەوە و بریندارەکان بەخێرایی گوێزرانەوە نزیکترین نەخۆشخانە.
بەڕێوەبەرایەتیی پۆلیسی پارێزگای رووها، هۆکاری رووداوەکەی بۆ پێشبڕکێی نێوان دوو ئۆتۆمبێل گەڕاندەوە و رایگەیاند، سەرەتا رووداوەکە لەنێوان دوو ئۆتۆمبێلدا بووە و حەوت ئۆتۆمبێلەکەی دیکەش خۆیان بە دوو ئۆتۆمبێلەکەدا کێشاوە.
بەگوێرەی ئامارە فەرمییەکان، ساڵی 2022 لە باکووری کوردستان و تورکیا 485 هەزار و 48 رووداوی هاتووچۆ روویانداوە؛ لە ئەنجامدا دوو هەزار و 282 کەس گیانیان لەدەستداوە و 291 هەزار و 151 کەسی دیکەش برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ