رووداو دیجیتاڵ
یاریدەدەری بەڕێوەبەری تەندروستیی چەمچەماڵ دەڵێت، تەرمی ژنێک براوەتە سەنتەری فریاکەوتنی چەمچەماڵ کە جێی پەت بە ملیەوە دیاربووە.
رۆژی سێشەممە 27ی حوزەیرانی 2023 شەریف رەحیم، یاریدەدەری بەڕێوەبەری تەندروستیی چەمچەماڵ بە تۆڕی میدیایی رووداوی گوت، "تەرمی ئافرەتێک هێندرایە سەنتەری فریاکەوتنی چەمچەماڵ کە جێی پەت بە ملیەوە دیاربوو."
یاریدەدری بەڕێوەبەری تەندروستی چەمچەماڵ ئاماژەی بەوە کرد، تەرمەکەیان رەوانەی دادپزیشکی کردووە. گوتیشی، "دواتر پزیشکی دادوەری و لێکۆڵینەوەکانی پۆلیس دەریدەخەن، کە خۆی خنکاندووە، یان خنکێندراوە."
ئەو هاونیشتمانییەی گیانی لەدەستداوە لەدایکبووی ساڵی 1971ـە و دانیشتووی قەزای چەمچەماڵ بووە.
بەگوێرەی ئاماری بەرەنگاربوونەوەی تووندوتیژی دژی ژنان و خێزان لە هەرێمی کوردستان، ساڵی رابردوو 68 ژن کوژراون یان خۆیان کوشتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ